శివరాయ శివరాయ నీకు దండము - Shivaraya Shivaraya Neeku Dandamu Song Lyrics in Telugu

రచన - హనుమత్ ప్రసాద్ గారు

గానం - అప్పాల ప్రసాద్ గారు

సంగీతం - రాజా

శివరాయ శివరాయ నీకు దండము

శివమెత్తి ఆడెదము మేమందరం || శివరాయ ||

1. జీజామాత నీకు కథ లెన్నో చెప్పెనంట 

రామాయణ భారతాల నీతులు పలికించెనంట 

వీరమాత అయ్యి నిన్ను వీరునిగా మలచెనంట

దాదాజీ ఖొండ దేవ్ అండ నీకు బలమంట   || శివరాయ ||

2. విదేశీయ ప్రభువు వద్ద తండ్రి కొలువున్నగాని

స్వదేశీయ స్వాతంత్య్రం సాధించగ నెంచినావు 

పదమూడేళ్ల ప్రాయం లో కత్తి చేతిన పట్టి

కదం త్రొక్కి పదం పాడి తోరణమును గెల్చినావు   || శివరాయ ||

3. అడవుల్లో తిరిగినావు కొండలెన్నొ ఎక్కినావు 

మావళీల సావాసం మంచిగాను చేసినావు 

కొండ పిండి చేయునట్టి వీరులుగా మలచినావు

శత్రుగుండె చీల్చునట్టి రోషంబును నింపినావు   || శివరాయ ||

4. విదేశీయ విద్రోహుల విచ్చుకత్తి నెరజేసి 

విసుగు విశ్రాంతి వీడి యుద్దాలే జేసినావు

హిందువులను కాచి హిందు సామ్రాజ్యం స్థాపించి

రాజ్యమంత గురువు రామదాసునకే ఒసగినావు  || శివరాయ ||